RK上斜無力，尋求解決方法及原因《已解決及找出原因》

mrmo

我架係2010 RK5.
刨過好多文，問題主因係起步同上斜無力，尤其停車場，喺megabox上斜用S落一波都好難扯高個轉數，踩盡油門都係慢慢上真係唔知可以點，平時公路就無乜問題，但都要大腳d等架車kick down扯到2500-3500嗰陣都加速到上去，但好似停車場呢d大斜就好有問題，好難上到2500rpm.

同其他人一樣，已經試晒換所有野，亦都走去問過專整RK起步問題既車房，佢話係副行車電腦渣得耐就會傻傻地，佢之前整左好多2010，話依家到整2011，真係好似輪住病咁，同埋，我地全部車都係篤電腦無error code. 波箱油等消耗品已全換，嗰間車房最後無直接講佢會做乜野，而且架車一定要留一晚夜，所以我都未決定去做，俾錢整就預左，但想知佢整乜野落去，都明白佢想保護一d商業上既野而有咁既做法，

所以，想喺度收集下意見，有冇朋友既rk都出現過呢個問題而又解決到？感謝!!

MosTa

What petrol you used? if not use shell, try to use two rounds... to see any difference.

ricky410

What petrol you used? if not use shell, try to use two rounds... to see any difference.
MosTa 發表於 17-8-2015 22:59

同電油有關

mrmo

用shell，似乎同電油無關...行公路加速上斜係無問題，係低轉扭力過低，唔足夠推架車上去，有人試過整係行車電腦數據問題，你地都係前期RK? 有冇咁既問題呢？

mrmo

經過多番明查暗訪，終於解決到問題，呢件事真係困擾左我好耐，依家分享解決方法，唔係為左打爛人地飯碗，希望幫到其他人，因為呢個真係一個奇症。

最後我車房搵到位行家，話呢個係好多honda車既通病，最後要靠廠腦去修正點火時間，蝴蝶Yim角度，油門反應等等，我知識有限，係得咁多keywords.
開始時架車同之前無乜分別，好似仲o係學習階段咁，我半信半疑，但起步明顯無之前拖牛上樹既感覺，以數值去講，之前用2500至3000轉去起步，好似拖住d野咁，依家2000轉順去就可以正常加速，到我第一轉返自己停車場，已經無左吃力既感覺，但亦都沒有爆上去斜路既感覺同能力。

之後自己再走出去，因為車房提過每次開車最好o係安全情況下，踩超過3000轉去俾副腦適應，然後我走左80km，越走越順，燈位起步輕踩就可以彈出去，走完再返自己停車場，比起之前，係有力好多，斜路停定，再起步好快架車就hold住o係2000轉，雖然唔係爆住，但係有力咁推架車上去，明顯改善左好多，變番一架正常o既8人車。

我會再試多兩日，確定一切無誤，呢個原因同所有消耗品無關，篤電腦都無error code，實在係好難好難先搵到原因，留條線o係度，希望幫到其他朋友，因為我知呢個問題有幾煩....

Kingcow

Mmo, 周不時都聽到前期RK有相同症狀，你呢條thread 好有參考價值，多謝你！
可以send你的車房聯絡方法俾我嗎？

leewingtai

我2010RK1都久唔久有問題, 可否PM車房及價錢?

judyor

Mrmo 真多謝你分享. 我部係2010 前期 RK1 雖然未試過踩盡上唔到斜, 但起步果真好立....拖下拖下咁.
我認識嘅車房都搞唔掂. 好希望你可以PM車房及價錢我?

mrmo

之前有問題時，架車行順左上斜係無問題，轉數係可以谷到上去，最有問題時係停定起步嗰下，一波都谷唔到上2000轉扭力位..

已pm. 其實今日我再走一轉，後座老細覺得滑左順左，慢車上停車場無拖牛感覺。但架車唔係變左跑車，一般路段佢係一部正常既七人車，之前踩盡都俾貨車佬爭贏燈位，依家順踩就可以出到咁樣，油耗顯示都正常左。

alfred7830

 可否PM車房聯絡

louiecwk

我都係，09RK5, 揸左半年，最近開始都有大家嘅問題。
師兄可以PM車房聯絡同價錢嘛?

mrmo

好多朋友都PM我，但現時我未俾車房聯絡，因為我未真正試清楚係咪整好，現時為止，車房最主要同我修改左點火時間角度等等brabrabrabra，行車時其實係暢順既，但發覺左小小問題：
1) 起步時反應正常，第一啖油會彈出去，但之後會輕微呆滯，要等轉數上番近2000轉先再扯部車上去
2) 起步行車都係有改善，但上斜扭力都係一般，尤其一d大斜，架車只係慢慢上，到無咁斜時先有加速力度，而且每次谷完上斜之後，油門反應會呆滯，但又未至於未整之前咁樣，但行番公路衝佢一轉，又會順番，因為呢個原因我唔敢俾大家住，費時拆老友招牌。

因為上斜扭力仍然缺乏，今日我再試加裝外掛電腦，平o個隻，其實外掛電腦主要係改點火時間、空氣燃油混合比，利用呢兩樣野去增加馬力同扭力(P.S. 同電子油門，點火增強器完全無關)，一裝之後就發覺PK喇，油門好似之前咁樣，無左一踩就彈出去既感覺，但就變得線性左，唔好好似1)咁出現扭力空缺，因為我之前用過朋友既外掛電腦，情況相若，所以我試下行多十幾公里，慢慢架車開始適應，起步靈敏度低左小小，但線性左好多，突然加速o個腳會去得有力，最重要最重要，返到自己停車場，咁啱有個P牌仔頂住上斜，我慢慢上都覺得架車好有力，hold住等個P仔去遠小小，我斜路中完全係有力上到，扭力唔同左好多，呢個係最大分別，但係我只試左一日，情況2)提過，谷完上斜路架車會立立地，行完公路又會順番，唔知呢樣野o係外掛電腦上會唔會有影響，所以我都係要再試多幾日。

總結，以我既知識同推斷，入車房攪電腦所改既野同外掛電腦原理相若，如果大家夠膽一試，試下換V字頭o個隻外掛電腦，因為佢比較平，同入車房修正點火時間空燃比原理一樣，我入車房之前都懷疑會唔會加個外掛就可以解決問題，依家似乎都要加佢先攪得掂，但入車房修正數據叫做飲碗廿四味，清清個底，先裝個外掛上去咁解。另外，可以換個高流量風格天風spacer等等加強低扭，效果可能會唔同，不過呢兩樣我都未裝，只係入左wishlist.

P.S. 以上全是個人猜測，因為苦主死唔憤氣乜撚都試最後試出黎既結果，亦走過唔少以為整好但最後又整唔好既路，但我同另外一位谷友都比較肯定係行車電腦既事，出現情況大至相同。

DAN!EL

V字頭o個隻外掛電腦我最近都裝咗，的確係油門變得線性左，順咗好多輕輕掂就肯去，整體嚟講好力咗
但唔知你地有冇同感，當部車揸咗一段路一段時間，熄咗車大約半個鐘左右再開車，部車就立刻笠晒，油門反應會呆滯，點比油都唔肯去

DAN!EL

題外話，v字頭o個隻外掛電腦我試清楚後如果真係好會搞團購

mk0152

細釘同R字個隻比有乜分別？