jumilla

yes.  bought from DCH.  will check with them in next month.  Thanks.

iu_web

很高興可以成為Stepwgn會員, 及見到各ching 都有同樣上斜問題, 並已解決，求賜教及車房資料。

小弟都有架2011年 Stepwgn RK(行貨), 2手車主 - 上斜起步極無力, 及食偈油問題，一個月前已楂去大昌行檢查, 他們技師話, 您的車可能被改咪數, (太低咪數, 現行50000公里, 本人是假日司機)，所以他們不接受聯絡車廠代修，要求我自行支付4-6萬換引擎。

請問各位ching, 我可以拎架車去那裏經驗車房檢查 及 預算幾錢,, pls pls

iu_web

74# tony08


tony 兄，知道您stepwgn 換後 air flow sensor解決上斜問題。
是否新蒲崗那間車房，會做維修，代為更換 ?

kowloon1901

74# tony08


tony 兄，知道您stepwgn 換後 air flow sensor解決上斜問題。
是否新蒲崗那間車房，會做維修，代為更換 ?
iu_web 發表於 21-9-2017 19:12

換air flow應該只需要拆兩粒鏍絲，拔出來，插入去，完成。不用到車房。位置向入風（filter)同引擎中間。

kowloon1901

很高興可以成為Stepwgn會員, 及見到各ching 都有同樣上斜問題, 並已解決，求賜教及車房資料。

小弟都有架2011年 Stepwgn RK(行貨), 2手車主 - 上斜起步極無力, 及食偈油問題，一個月前已楂去大昌行檢查, 他們技師話 ...
iu_web 發表於 21-9-2017 11:28

提提你，要換引擎，可考慮湯房的，以前d舊車，5，6千都以經可以了。不過唔知Stepwgn R20A引擎要幾錢，應該一萬樓下。簡後期的便保險d, 不過有的機會亦相對低d.

Skyming

我見佢好多回覆有冇師兄試過

xedmond

82# chiu0404

xedmond

可否pm車房地址，我部車都有同樣情況

Frankie8554

我部車是2010 RK1，因長期以ECON MODE及低轉數及慢溜停車的方式駕駛，已出現大食偈油上斜無力問題年多，上年要求大昌檢此問題(收$1600檢查費)，行完3000KM回廠檢查，大昌話不是很嚴重，並表示會問日本廠能否免費維修，但一直得個等字，催過大昌行幾次，仍是含糊回答叫我等，最近我發覺大食偈油嚴重了，某日曾閃一閃偈油燈，我立即買支L偈油入落engine，數天後去換偈油，車房話放得1.5L偈油出來，那表示之前已剩下0.5L偈油在engine內行車，那不是很傷副偈??? 請問有冇師兄成功爭取到大昌行免費維修?

hinokd1793

前期 RK 大食偈油資料整合。

時不時都會見有人問一啲關於食偈油嘅疑問，以及點樣解決，小弟嘗試整合一下師兄們之前嘅分享，方便各位苦惱中嘅師兄師姐查閱。

===========<<<基本資料>>>===========
Q: 邊啲車有大食偈油問題？
A: 前期 RK，包括 RK1 和 RK5，亦即是在2012年4月或之前出廠的 RK。

Q: 唔係 RK 會唔會有大食偈油問題？
A: 有。部車行左二三十萬公里後造成金屬勞損，都係會有食偈油問題。但係呢度所講嘅只係針對 RK 因為設計失誤而引起嘅食偈油問題。

===========<<<自我檢查>>>===========
Q: 如何洞悉有大食偈油問題?
A: 如有大食偈油的問題，檢查偈油尺沾唔沾得夠油會係一個指標，但通常大家都唔會定期檢查偈油尺所以遲遲發現唔到。另一個現象就係上斜無力，就算你踩到地板油都係，部車都係龜速上斜 (e.g. 5km/h)，嚴重者甚至溜後。

Q: 如何去 "確定" 部 RK 有大食偈油問題?
A: 要 "確定" 呢一個問題並不能透過一兩次簡單檢查就可以，但必需要定期檢查偈油尺。正常情況下，一缸偈油就算行上 5000 公里都唔應該少左偈油的，偈油尺拉出黎係應該所有格仔都能夠沾到偈油，如果拉出黎見到某啲格仔沾唔到油，咁就要注意了(見圖)。[以下步驟如果有需要，請尋求車房協助] 由於偈油尺沾唔足油，即係話偈油缸內的偈油份量不足，呢個時候應該添加偈油至足夠份量。註：RK 偈油量是 3.8 公升。添加之後，應該每行走 500 或 1000 公里之後，再檢查偈油尺。如果每次檢查偈油尺時，都能看見偈油量充足的話，請放心，應該沒有食偈油問題，只是上一缸偈油沒有入足，造成一個 false alarm。但如果檢查後發現偈油一直少下去，咁十之八九都應該中招了。

===========<<<應對方法>>>===========
Q: 若果不幸，真係有大食偈油問題，咁點算？
A: 水貨便要在坊間車房跟進，費用都幾甘。行貨的話請尋求大昌協助，維修引擎的部份費用 "有機會" 由大昌 CLAIM 到日本本田而唔駛車主俾，但部部車嘅 CASE 都唔同，有人一二千蚊就解決，亦有人收張報價單返黎係幾萬蚊。

Q: 如有大食偈油問題，可唔可以唔維修，只係定期添加偈油就算？
A: 唔會話唔得，只係不能治本，甚至連治標都不能。因為食偈油係會越食越快，例如初時行 3000 公里會食走 1公升，到後來行 1000 公里就無晒偈油。定期添加偈油只係叫做保住副引擎，避免佢因為無晒偈油下高溫運作而報消。

Q: 如果遇上上斜無加問題，咁點算？係咪只能拖車去車房？
A: 如果情況可以，盡量將部車停靠路邊唔好頂住條路。如果情況許可，可以試下熄車抖一陣 (車要抖，人都要定一定神)，然後再著車，好彩的話，有機會有返力水 (因為氣缸漏氣所造成錯誤的壓力數據因熄車而清除，再著車就重新 detect 過就有返力，詳情請參閱 "深入探討問題根源")。但唔一定部部車都可以成功，咁就真係要拖車了。

===========<<<深入探討問題根源>>>===========
Q: 究竟點解會有大食偈油嘅問題？同埋點解會導至上斜無力？
A: 直接引用呢度師兄之前嘅貼文："因為係 Honda 的那一期的汽缸活塞環設計失誤，個 ring size 稍為輕微地唔 Fit 位，令到用 Eco mode 慢轉數行車時活塞環未能密氣而漏走了部份高温油氣。而最慘嘅係咁樣長時間低轉行車而漏出的偈油氣在停車冷卻之後，就會結聚成為油泥/油屎而令漏氣問題進一步惡化。當汽缸漏氣時，壓力 sensor 就會感應到較低的壓力數據，從而行車電腦就控制住引擎和波箱出錯馬力和波段，所以在慢速上斜或斜路起步時就會好像無力行咁樣囉。"

Q: 承上，係咪唔用 ECO MODE 就唔會有呢個問題？
A: 好難一概而論。只能說 ECO MODE 會令部車有更長時間喺低轉行車，令問題加速形成/惡化。但唔用 ECO MODE 一樣有低轉時間，例如停燈位，多車慢溜，公路巡航等等，轉數都唔會高得去邊，所以一樣會扯走偈油去燒，只係比起用 ECO MODE 扯少啲。

Q: 維修點解咁貴？我係咪俾車房當水魚？
A: 要根治呢個問題，要將整副引擎拆落黎(見圖)，然後再拆到去中缸維修及換零件。單就拆引擎的工序複雜性已可想而知，所以人工費用一定高企。

===========<<<其他>>>===========
Q: TUNE 部行車電腦可唔可以解決到個問題？
A: 不能。因為大食偈油問題係機械嘅問題，而唔係電腦嘅問題，所以點 TUNE 部電腦都唔會根治得到，行貨甚至會因為咁而失去保養。

Q: 換過啲 SENSOR 之類可唔可以解決到個問題？
A: 唔一定有用，因為 SENSOR 讀出錯誤數據唔一定係因為個 SENSOR 壞左，根源仍然係來自氣缸漏氣造成數據錯判。當然，SENSOR 可以隨時壞，有機會要換埋但好少聽見呢個情況。

Q: 起步無力又關唔關大食偈油事？
A: 實在太多因素可以造成起步無力，請不要一概而論。就算無大食偈油問題嘅 RK，甚至其他車種，一樣會因為不同嘅原因而起步無力。

Q: 抬偈可唔可以換個尾期引擎去根治問題？
A: 不可以。因為前期同尾期引擎啲喉位唔同，所以前期車係裝唔到尾期引擎。

希望呢篇資料整合可以幫到大家，唔駛漫無目的咁估估下自己部車有無中招，亦唔駛俾坊間一啲無良車房任意咁劏。
最後當然係祝各位 RK 車主遇唔上呢個問題，或者問題早日得到完滿解決。


http://recallsearch4.honda.co.jp/sqs/r001/R00101.do?fn=link.disp

http://www.honda.co.jp/recall/auto/other/130725.html
#RK
#前期
#食偈油
#上斜無力

lamfatlun

大家好，我果部係2012 stepwgn水貨版，太太渣返工多，最近都係發現上斜嚴重冇力，搵過兩單車房check過，第一單幫我換左消耗品但問題依然，第二間就話O2 sensor 同airflow sensor都冇事，係催化氣出事...要萬二蚊黎換！宜家都唔知點算，想請教下各位師兄...
謝謝

Benjamin

我也一樣。行直路都去唔到.架車用咗7年，每隔幾個月都會係咁。剛剛返原廠check過，airflow sensor 已冼。個情況重差咗。請問各位師兄，有冇相熟車房可介紹

pepsin

師兄捫好，小弟 RK1 2010 水，自從年初發現上斜冇力之後，已經日本 Honda 網站 check 過，上手已回廠維修食油問題，再之後又經常慢車/停車起步會打冷震或死火，繼而連引擎黃燈都著埋，插電腦 fault code 都係 P0171 燃油過稀或過濃，幾個月來同車房心力交瘁，換左 火咀，air flow sensor，電油泵。。。等等，每次 reset 走左黃燈之後 1,2 日，黃燈又走番出黎，最後夜媽媽自已攞電筒同埋鏡去週圍照下，終於有發現，見到 airflow sensor 之後條入氣喉背面原來烈開左，差不多烈開半條，即時用金屬鍚紙包住烈開嘅地方防漏氣，再開車試左一陣，起步/上斜力水番哂黎，而家等車房揾零件再換，希望幫到其他師兄

[img][/img]

[img][/img]

[img][/img]

pepsin

[img][/img]

[img][/img]

[img][/img]

hoplato

我架 RK5 上斜慢流 踩brake 試過死火