新手報到---問水貨車音響問題

各位好，上星期買左架05年尾RG1水貨車，架車11年初到港，揸左一星期，都適應緊。

想問關於音響問題：

跟車既gps同tv當然用唔著，唱機係入cd，會自動錄入hdd，本來好方便，
但上手車主入左好多個folder係兒歌同我不喜歡既歌，如何删除？

收音機加左解碼器，但成日人手追台，車行話唔得可返去再換解碼器，煩啦！
迫住我聽881。

想换機頭，可插usb果類，車行話好大工程，相熟車房話唔好搞，無謂嘥錢，
問過旺角既汽車用品店，有些話得有些話唔得，但换左機就未必駁得返後車鏡
頭同軚盤上的控掣，而原有錶板上的控掣亦好礙眼。

有間話拆左杯架裝部細機，用返作既喇叭，最易解決。

想問有冇其他解决方法？有勞各位師兄師姐指教，謝謝。